კომპანია ,,ფოლადის სახლი“  2014 წელს, ლითონის ინდუსტრიაში მუშაობის 20 წლიანი გამოცდილების საფუძველზე, დაარსდა. კომპანიის მთავარ საქმიანობის სფეროს წარმოადგენს რკინის პროდუქციის იმპორტი და რეალიზაცია ადგილობრივ ბაზარზე. ჩვენ ვთანამშრომლობთ წამყვან მწარმოებლებთან საქართველოში, თურქეთში, უკრაინაში, რუსეთში, ჩინეთში, ირანსა და აზერბაიჯანში, რაც განაპირობებს მასალის ფართო ნომერკლატურასა და მაღალ ხარისხობრივ მაჩვენებელს.

დღეისათვის ,,ფოლადის სახლი“ საქართველოს სამშენებლო ინდუსტრიის ერთ-ერთი წამყვანი მონაწილეა და წარმატებით პოზიციონირებს რკინის სამშენებლო მასალების ბაზარზე. კომპანია თანამშრომლობს 50-ზე მეტ ადგილობრივ და საერთაშორისო მომწოდებელთან. ,,ფოლადის სახლი“ მომხმარებელს სთავაზობს შემდეგი ტიპის პროდუქციას: არმატურა, გლინულა, მართკუთხა და მრგვალი მილი, შველერი, ზოლოვანა, ორტესებრი კოჭი, კუთხოვანა, კვადრატი, მასიური ფოლადის ღერო, ლითონის და რიფლირებული ლითონის ფურცელი, გამომწვარი მავთული, სამშენებლო დგარი და ხის კოჭი. აღნიშნული პროდუქცია სრულ შესაბამისობაშია სამშენებლო სფეროში დადგენილ სტანდარტებთან.

გარდა ამისა, „ფოლადის სახლის“ საქმიანობის დამატებით მიმართულებას წარმოადგენს შავი და ფერადი ლითონების ექსპორტი; ლითონ-კონსტრუქციების  აწყობა-მონტაჟი; აკუმულატორების გადამუშავება და  მიღებული ტყვიის ზოდების გატანა საერთაშორისო ბაზარზე.

5000-ზე მეტი მუდმივი მომხმარებელი ,,ფოლადის სახლის“ უწყვეტი ზრდისა და განვითარების მთავარი წინაპირობაა.