კომპანია ფოლადის სახლის ორგანიზებით, 15 აპრილს, სააღდგომო საქველმოქმედო აქცია გაიმართა. აქციის ფარგლებში კომპანიამ, სოფელ მარტყოფში მცხოვრები, სოციალურად დაუცველი 200 ოჯახი, სასურსათო პროდუქტებით მოამარაგა. მიუხედავად იმისა, რომ მსოფლიოში COVID-19 ვირუსის გავრცელებით გამოწვეული კრიზისი კომპანიასაც შეეხო, ფოლადის სახლის მენეჯმენტი მიიჩნევს, რომ სწორედ ამ დროს, მნიშვნელოვანია ბიზნესმა გამოიჩინოს მაღალი სოციალური პასუხისმგებლობა და დადგეს იმ ადამიანების გვერდით, ვისაც ეს ყველაზე მეტად სჭირდება.